HugurAx

IK Innheimtukerfi

Microsoft Dynamics AX 2009 innheimtukerfið eykur skilvirkni við innheimtu á útistandandi kröfum viðskiptavina.

Kerfið er þróað af HugAx og er nú fáanlegt fyrir Microsoft Dynamics AX 2009. Markmið kerfisins er að bæta reikningagerð og innheimtu. Innheimtukerfið tengist öllum helstu bankastofnunum landsins og færir bankastarfsemina nær notandanum.
Um er að ræða öfluga viðbót við viðskiptavinakerfi Microsoft Dynamics AX sem er samhæfð öðrum kerfiseiningum eins og fjárhag-, sölu- og verkbókhaldi.

Notandi hefur innheimtu í eigin hendi og getur sjálfur útbúið kröfu og greiðsluseðil.  Bankastarfsemi færist stöðugt nær notendum, hvort sem þeir eru fyrirtæki eða einstaklingar. Innheimta reikninga eða viðskiptakrafna fer oftast í gegn um banka á einhvern hátt.

Af hverju Dynamics AX 2009 Innheimtukerfi ?

• Innheimtukerfið er fáanlegt fyrir allar helstu bankastofnanir landsins
• Innheimtukerfið er samhæft öðrum einingum í Dynamics AX s.s. sölu-, viðskipta- og fjárhagskerfum.
• Kröfur eru sendar rafrænt til viðskiptabanka notanda til innheimtu eða greiðslu í bankakerfinu. Yfirlit yfir Gjöld/vexti sem fallið hafa á kröfuna.
• Greiðslufærslurnar frá bönkunum eru færðar inn í fjárhagsbókhaldið ásamt kostnaði og vöxtum og jafnaðar út þar sem sjálfvirk jöfnun fer fram.
• Leyfðar innáborganir á kröfur.
• Ef kröfur hafa verið greiddar framhjá Innheimtukerfinu eru þær felldar sjálfvirkt niður við næstu sendingu í bankann.
• Yfirlit yfir skuldastöðu viðskiptavina samkvæmt viðskiptavinabókhaldi. Valmöguleiki hvernig greiðsluseðill lítur út og hvað birtist á honum.
• Yfirlit yfir útsenda greiðsluseðla, reikningsyfirlit.
• Yfirlit yfir ógreiddar kröfur sem sendar hafa verið til innheimtu.
• Reiningur á greiðsluseðli þá  prentast greiðsluseðill um leið og sölupöntun er bókuð
• Birtingakerfi bankannna , hægt er að sjá reikninginn í heimabankanum undir Rafræn skjöl.
• Samskipti við innheimtuþjónustur á Íslandi. Krafan er lifandi þó svo hún fari í innheimtuþjónustu.

Reikningur á greiðsluseðli

HugurAx býður einnig upp á lausn sem nefnist Reikningur á greiðsluseðli. Þessi lausn gerir notendum kleift að skrifa út greiðsluseðil um leið og reikningur er bókaður í sölukerfi. Við það verður til kröfubunki í Innheimtukerfinu sem er síðan sendur til bankans í lok dagsins.

Birtingakerfi bankanna

Þegar kröfur eru sendar í bankann er einnig hægt að senda birtingaskrá með og birtist þá greiðsluseðillinn í heimabanka viðskiptavinarins.